Plantun de Prouvènço

Pèr coumpara dos planto d'encò nostre

Carex praecox & Achillea tomentosa

Queirello(-proumierenco)

Carex praecox

Cyperaceae

Àutri noum : Moutouso, Sagneto.

Noms en français : Laîche précoce, Laîche de Schreber.

Descripcioun :
Aquesto queirello, proun raro, trachis dins li pelouso sablouso un pau umido, souvènt proche d'aigo. Es uno planto primo souvènti fes torso que fai un rizoumo di proun ramifica. Se recounèis à si pichòtis espigueto que caupon de flour masclo à la baso e femello emé dous estigmate en aut. Lis escaumo soun brunello amé de uno costo pu claro e acabado pèr uno arèsto. Avisas-vous que i'ague un pichot mameloun au bout dis antèro que dèvon faire mens de 2 mm. Coumpara emé la queirello-divisado que ié sèmblo proun.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 30 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour : Brunello
Petalo : ges
Ø (o loungour) enflourejado : 1 à 2,5 cm
Flourido : Printèms

Sòu : Ca
Autour basso e auto : 0 à 1000 m
Aparado : Vo
Abriéu à jun

Liò : Tepiero sablouso - Ribo d'aigo
Estànci : Mesoumediterran
Couroulougi : Érousiberiano-Sud
Ref. sc. : Carex praecox Schreb., 1771

Milo-fueio(-bourrihu)

Achillea tomentosa

Asteraceae Compositae

Nom en français : Achillée tomenteuse.

Descripcioun :
Aquéu milo-fueio trachis dins li tepiero secarouso. Fai de pichòti colounìo emé si fiéu (estouloun). Se recounèis à si flour coumpausado jauno e si fueio peludo (Achillea ageratum, de coulour jauno peréu, au contro èi pas peludo).

Usanço :
Se dis qu'a li mémis usanco que l'erbo-de-milo-fueio (Achillea millefolium), mai n'en sabèn pas mai.

Port : Pichoto planto lignouso
Taio : 8 à 30 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Achillea
Famiho : Asteraceae
Famiho classico : Compositae
Tribu : Anthemideae
Ordre : Asterales

Coulour de la flour : Jauno
Petalo : >6
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun

Liò : Garrigo - Roucaio - Tepiero seco
Estànci : Mesoumediterran à Mountagnard
Couroulougi : Éuropenco Sud-Ouèst
Ref. sc. : Achillea tomentosa L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Carex praecox & Achillea tomentosa

ges

Coumpara Queirello(-proumierenco) emé uno autro planto

Coumpara Milo-fueio(-bourrihu) emé uno autro planto